ലൈംഗിക കുറ്റകൃത്യങ്ങളില്‍നിന്ന് കുട്ടികളെ സംരക്ഷിക്കുന്നതിനുള്ള പുതിയ നിയമം ഒട്ടേറെ പരിരക്ഷയാണ് ഇരകള്‍ക്കു നല്‍കുന്നത്. ജില്ലാ സെഷന്‍സ്കോടതികളില്‍ നേരിട്ട് പരാതി പറയാനും കേസെടുക്കാനുമാകും. ജില്ലാ ജഡ്ജിക്കാണ് ഇത്തരം കേസുകളുടെ ചുമതല. സാധ്യമായിടത്തോളം വനിതാ അന്വേഷകയേ കുട്ടികളില്‍നിന്നു മൊഴിയെടുക്കാവൂ. അതും യൂണിഫോമിലാകരുത്. വിശ്വാസമുള്ളവരുടെ സാന്നിധ്യത്തിലാവണം മൊഴിയെടുപ്പ്. 30 ദിവസത്തിനകം മൊഴിയെടുപ്പ് പൂര്‍ത്തിയാക്കണം. ഒരുവര്‍ഷത്തിനകം കേസും തീര്‍പ്പാക്കണം. എത്രയും വേഗം വൈദ്യപരിശോധന നടത്തണം. അതും വനിതാ ഡോക്ടര്‍ ആകണം. വനിതാ ഡോക്ടര്‍ ഇല്ലെങ്കില്‍ വകുപ്പുതല മേധാവിയുടെ അനുമതിയോടെ പുരുഷ ഡോക്ടര്‍ക്ക് പരിശോധിക്കാം. അതും മാതാപിതാക്കളുടെ സാന്നിധ്യത്തിലാവണം. കോടതിയില്‍ പ്രതിയെ കണ്ടുകൊണ്ട് മൊഴി നല്‍കേണ്ടതില്ല. പ്രതിഭാഗം വക്കീലിന് ഇരയോട് നേരിട്ട് ചോദ്യങ്ങള്‍ ഉന്നയിക്കാനാവില്ല. ഇദ്ദേഹം ജഡ്ജിയോടു പറയുകയും ജഡ്ജി കുട്ടിയോടു ചോദിക്കുകയുമാണ് വേണ്ടത്. ഇരയുടെ ഭാഷയിലാവണം ചോദ്യം ചെയ്യല്‍. ഇതിന് ആവശ്യമെങ്കില്‍ പരിഭാഷകനെയോ വ്യാഖ്യാതാവിനെയോ നിശ്ചയിക്കണം. വൈകല്യമുള്ള കുട്ടികളുടെ കാര്യത്തിലാണ് വ്യാഖ്യാതാവിന് പ്രസക്തിയേറെ. കുറ്റവാളിയല്ലെന്ന് തെളിയിക്കേണ്ട ബാധ്യത പ്രതിയുടേതാണ്.
അധ്യാപകര്‍, ചൈല്‍ഡ് ലൈന്‍ പ്രതിനിധികള്‍, ഹെല്‍പ് ഡസ്ക് എന്നീ സംവിധാനങ്ങള്‍വഴി പീഡനത്തെക്കുറിച്ചും അതിക്രമങ്ങളെക്കുറിച്ചും കുട്ടികളില്‍ സജീവമായ ബോധവല്‍ക്കരണ പ്രവര്‍ത്തനങ്ങള്‍ നടക്കുന്നുണ്ടെന്നും പി മോഹന്‍ദാസ് പറഞ്ഞു. ജില്ലകളില്‍നിന്നുള്ള ചൈല്‍ഡ് ലൈന്‍ പ്രതിനിധികളായ ഗോപാലകൃഷ്ണന്‍, ജിജോ ജോസഫ്, നിതീഷ് എം ജോര്‍ജ് എന്നിവരും വാര്‍ത്താസമ്മേളനത്തില്‍ പങ്കെടുത്തു.
deshabhimani
No comments:
Post a Comment