Friday, January 24, 2014

മോഡിയെ ക്ഷണിച്ചുവരുത്തി മതനിരപേക്ഷ പൈതൃകം തകര്‍ക്കരുത്: മീന കന്തസ്വാമി

കൊല്ലം: സവര്‍ണവര്‍ഗീയതയുടെ വക്താവായ നരേന്ദ്രമോഡിയെ ക്ഷണിച്ചുവരുത്തുന്നതിലൂടെ കേരളത്തിന്റെ മതനിരപേക്ഷ പൈതൃകത്തിനു ചിലര്‍ കളങ്കംവരുത്തുകയാണെന്ന് എഴുത്തുകാരി മീന കന്തസ്വാമി പറഞ്ഞു. കെ സുകുമാരന്റെ "മഹാനദിക്കരയില്‍" നോവല്‍ പ്രകാശനംചെയ്യുകയായിരുന്നു അവര്‍.

മതനിരപേക്ഷതയ്ക്കും സാമൂഹിക സമത്വത്തിനും പേരുകേട്ട നാടാണ് കേരളം. ശ്രീനാരായണഗുരുവും അയ്യന്‍കാളിയും ഉയര്‍ത്തിപ്പിടിച്ച മതേതര പൈതൃകത്തെ മുറിവേല്‍പ്പിക്കരുത്. അവശരുടെ ഉയിര്‍പ്പിനായി രൂപംകൊണ്ട സംഘടനകള്‍ കര്‍മയോഗയുടെ വക്താവായ മോഡിയെ ക്ഷണിച്ചുവരുത്തുന്നതിലെ ശരിയെക്കുറിച്ച് ആത്മപരിശോധന നടത്തണം. വികസനത്തിന്റെ നാടെന്നു കൊട്ടിഘോഷിക്കുന്ന ഗുജറാത്തില്‍ പാര്‍ശ്വവല്‍ക്കരിക്കപ്പെട്ട ബഹുഭൂരിപക്ഷത്തിന്റെയും ജീവിതം നരകതുല്യമാണ്. ന്യൂനപക്ഷം വരുന്ന ഐടി, കുത്തക വ്യവസായികള്‍ മാത്രമാണ് മോഡി ഭരണത്തില്‍ നേട്ടമുണ്ടാക്കുന്നത്. തോട്ടിപ്പണി ഇന്നും സജീവമായി നിലനില്‍ക്കുന്ന നാടാണ് മോഡിയുടെ ഗുജറാത്തെന്നും മീന കന്തസ്വാമി പറഞ്ഞു.

deshabhimani

No comments:

Post a Comment